Facebook “fluturon” në bursë

Aksionet e Facebook kanë “fluturuar”, duke arritur në 38 dollarë, një rritje që nuk verifikohej që prej debutimit të rrjetit social në bursë. 

Për këtë arsye, shefja e operacioneve Sheryl Sandberg ka përfituar dhe ka shitur 2.37 milionë tituj, duke arkëtuar 91 milionë dollarë.

Revanshi i regjistruar në javën e fundit ka bërë që rrjeti social të mbyllë seancën e bursës me një vlerë mbi 38 dollarë për aksion, për herë të parë që prej 12 majit.

Titujt ditën e premte u mbyllën me 38.50 dollarë, 80 për qind më shumë krahasuar me një vit më parë, raportojnë mediat amerikane online.