Jack Nicholson do të jetë Berlusconi?

Jack Nicholson, sipas bastexhinjve, është kandidati më i mundshëm për të interpretuar Silvio Berlusconin në një film eventual mbi jetën e ish-kryeministrit të Italisë. 

Lajmin e bën të ditur “Cinema FanPage”, sipas të cilës Nicholson është favoriti duke lënë pas yje të tjerë si Robert De Niro dhe Sir Anthony Hopkins.

“Procesi ‘Mediaset’ dhe fjalimi para popullit pas dënimit janë vetëm kapitulli më i fundit i një karriere që ka gjasa të përfundojë në ekranin e madh”, thuhet në një komunikatë.

Ai i Jack Nicholson është emri më i akredituar, por në lojë kanë shanse të mira edhe Dustin Hoffman, Robert De Niro dhe Harvey Keitel.