Hollywood, beteja për kontrollin e box office

Matt Damon ne filmin "Elysium"

Shtëpitë kinematografike në Hollywood janë në garë se kush do të dominojë box office-n në këtë sezon veror. Pritshmëritë kanë qenë të mëdha, por një pjesë e mirë e prodhimeve kanë dështuar. 

Filma me buxhet të lartë si “The Lone Ranger”, me Johny Depp, “After Earth” me regji të Will Smith dhe animimi “Turbo” rezultuan një dështim i vërtetë. Shifrat tregojnë se filmat në total kanë siguruar të ardhura prej 4.1 miliardë dollarë.

Filmi fantastiko-shkencor “Elysium” kapi majën e klasifikimit në Amerikën e Veriut, duke fituar 30.5 milionë dollarë në premierën e tij këtë fundjavë.

Filmi, ku interpretojnë Matt Damon dhe aktori afrikano-jugor Sharlto Copley, mori një fitim modest krahasuar me buxhetin e tij prej 115 milionë dollarësh.

Megjithatë, shefi i seksionit të shpërndarjes së filmave të kompanisë “Sony”, Rory Bruer deklaroi se “Elysium” do të kapë fitime të mëdha me shfaqjen e tij në kinematë e vendeve të tjera të botës.

Në këtë javë të populluar nga filmat debutues, komedia me Jennifer Aniston “We’re the Millers” u rendit në vendin e dytë me 26.6 milionë dollarë, ndërsa animimi i “Disney”, “Planes” i treti me 22.5 milionë.

Klasifikimi i filmave sipas Hollywood.com

1. "Elysium", $30.5 million ($10.9 million international).

2. "We're the Millers", $26.6 million.

3. "Planes", $22.5 million.

4. "Percy Jackson: Sea of Monsters", $14.6 million ($9.8 million international).

5. "2 Guns", $11.1 million.

6. "Smurfs 2", $9.5 million ($34.6 million international).

7. "The Wolverine", $8 million ($18 million international).

8. "The Conjuring", $6.7 million ($9.9 million international).

9. "Despicable Me 2", $5.7 million ($12.2 million international).

10. "Grown Ups 2", $3.7 million ($6.6 million international).