Me shumicën e trupit tonë të përbërë nga uji, ai është jetësor për zhvillimin e jetësës dhe për mirëfunksionimin e disa organeve, veçanërisht të veshkave.
Megjithatë, një studim i Universitetit të Londrës Lindore lidhi efektet pozitive të ujit edhe me një pjesë të trupit, ku ndikimi i tij nuk njihej më parë.
Sipas studiuesve, shuarja e etjes me një gotë ujë, në vend të një lëngu tjetër, e bën trurin që të punojë deri në 14% më shpejt.
Studimi universitar u realizua mbi 34 meshkuj dhe femra, të cilat pranuan që t’i nënshtroheshin një testimi disa-ditor.
Ata duhet të kryenin të njëjtat testime mendore, pas zgjimit dhe mëngjesit. Herën e parë, hanin një mëngjes të zakonshëm, me drithëra dhe qumësht, por pa e shoqëruar me ujë, ndërsa herën e dytë përsërisnin të njëjtin eksperiment duke konsumuar ujë pas ngrënies.
Skanimi i trurit, në zgjidhjen e ushtrimeve mendore, tregoi se në rastin e dytë, atëherë kur subjektet pinin ujë, truri shfaqte një rritje të ndjeshme të aktivitetit të tij, duke qenë në gjendje që të zgjidhte mesatarisht 14% më shpejt problemin e paraqitur.
No comments:
Post a Comment