Këngëtarja postoi një foto në internet ku shfaqej me shpatullën e lidhur. Diagnoza e mjekëve nxorri lëvizje të shpatullës dhe disa dëmtime të lehta në pjesën e majtë të kraharorit.
“Nxorra shpatullën gjatë xhirimeve të videos me Jeezy për remiksin e ri të këngës”, shkruan Carey në profilin e saj në Twitter.
Nick Cannon e quajti bashkëshorten e tij “një heroinë” sepse vetëm dy orë pas incidentit ishte e gatshme të rikthehej sërish në shesh-xhirim, por mjekët nuk e lanë pasi dëmtimi ishte më serioz nga c’u mendua në fillim.
Aktualisht Mariah ka marrë disa ditë pushimi që po i kalon në shtëpinë e saj, ndërsa pritet t’i bashkohet koncertit të bamirësisë për viktimat e uraganit Sandy në Nju Jork ditën e shtunë.
No comments:
Post a Comment