Këngëtarja me orgjinë shqiptare, por me famë ndërkombëtare Rita Ora (Sahatçi) në një intervistë për revistën e njohur britanike “GQ”, e cila e plotë publikohet më 4 korrik, ka folur për rikthimin e saj në Prishtinë, si dhe për xhirimin e videoklipit të këngës “Shine Ya Light”.
Personazh tashmë i mirënjohur në botën e muzikës dhe shjowbiz-it, Rita e ka cilësuar si një moment shumë të veçantë në jetën e saj si këngëtare, dhe është ndjerë shumë e lumtur nga mikpritja që i kanë bërë shqiptarët.
“Ishte një eksperiencë surreale. Të gjithë njerëzit kishin dalë për të më parë. Kur dola nga avioni nuk shihja tokën, vetëm koka njerëzish. Ishte e pabesueshme”, shprehet këngëtarja nga Kosova.
Më tej në intervistën dhënë për revistën e njohur “GQ” këngëtarja 22-vjeçare shton se puna që ajo kishte bërë për videoklipin e saj në Kosovë ka qenë një moment historik edhe për këtë shtet.
“Ishte më shumë sesa një videoklip. Ishte një moment në historinë e Kosovës. Njerëzit në mbarë botën panë vendin tim të origjinës dhe e ndjeja për detyrë të bëja një videoklip në vendlindjen time”, thotë Rita Ora.
No comments:
Post a Comment