Vera e ndarjeve të mëdha

Kjo verë është quajtur si vera e ndarjes së cifteve të famshëm. Pas ndarjes së Catherine Zeta Jones me Michael Douglas dhe zyrtarizimit të divorcit mes Monica Belluci-t dhe Vincent Cassel, radha ka qenë për një tjetër emër të madh të kinemasë botërore. 

Clint Eastwood ndahet nga bashkëshortja e tij Dina Ruiz pas 17 viteve martesë. Lajmi u transmetua fillimisht në mediat gossip në Shtetet e Bashkuara, ndërsa pak orë më vonë ka mbërritur edhe konfirmimi.

Zëdhënësi i aktorit 83-vjeçar tha se ndarja ka qenë konsensuale dhe se ata do të vazhdojnë të mbeten miq.

Eastwood dhe 48-vjeçarja Ruiz, me profesion gazetare u martuan 31 marsin e vitit 1996 dhe së bashku kanë një vajzë, 16-vjeçare.